तानाजी, छपाक चोरीचा मामला आणि सिनेमाचे यश आणि ज्योतिषशास्त्रीय विचार

सिनेमा ही सिनेमातल्या कलाकारांनी  केलेल्या कलेचे प्रत्यक्ष प्रदर्शन नसून फ़ोटोग्राफ़ी आहे. कलाकारांच्या कलेचे प्रत्यक्ष प्रदर्शन म्हणले तर ते नाटक आहे. म्हणून नाटक हे शुक्राच्या अंमलाखाली येते तर कोणतीही फ़ोटोग्राफ़ी ही राहूच्या अंमलाखाली येते. नाटकात मुळ संहीता जरी बदलत नसली तरी जितके प्रयोग करु तितके वेळा कलात्मक बाजू सुधारण्याची संधी असते तसे सिनेमाचे नाही. एकदा रिलीज झाला की त्यात बदल होत नाही. सर्वात महत्वाचे म्हणजे राहूच्या अंमलाखाली असलेल्या गोष्टींचा बेभरवशीपणा.

अनेक दिवस माझा असा समज होता की जितके सिनेमे कै.शाहीर दादा कोंडके यांनी दिले तितके सर्व सिल्वर जुबिली हीट झाले. पण तस नाही. दादा कोंडके यांचे काही सिनेमे सिल्वर ज्युबिली झाले नाहीत.

राहूच्या अंमलाखालील सिनेमाचा बेभरवशी कारभार एखाद्या निर्मात्याला, कलाकाराला इतकी प्रसिध्दी देऊन जातो तर कित्येकांना देशोधडीला लावतो. अमिताभचा सिनेमा चालला म्हणून अमिताभची सिनेमा तयार करण्यासाठी लागणारे सेट्स पुरवणारी कंपनी चालली नाही आणि अमिताभ ला कोर्टाच्या कारवाईला सामोरे जावे लागले.

राहूच्या अंमलाखालील बेभरवशी गोष्टींमुळे निर्माता सिनेमाच्या टाय़टल पासून, कलाकारांच्या सिलेक्शन मधे सुध्दा ज्योतिष, न्युमरोलॉजी, मुहूर्त याचा उपयोग करुन सिनेमाचा व्यवहार नियंत्रीत करु पहातो.

महेश कोठारे यांच्या सिनेमाची नावे पाहीली तर झपाटलेला, धुमधडाका, धडाकेबाज, पछाडलेला,थरथराट, देदणादण किंवा खबरदार पाहीले तर यात पाच अक्षरे दिसतात. अर्थात सिनेमाचे टायटल पाच अक्षरांचे म्हणजे सिनेमा चालणार असा काही फ़ॉर्म्युला नाही अन्यथा पाच अक्षरे असलेले सिनेमे पडायलाच नको. पण तसे नाही. शेवटी प्रेक्षकांना अपेक्षीत करमणूक देताना सिनेमात खर्च झालेला पैसा किमान वसूल व्हावा ही निर्मात्याची माफ़क अपेक्षा असते, या शिवाय कलाकारांना प्रसिध्दी मिळावी, कलाकारांचा ब्रॅड तयार व्हावा ही अपेक्षा कलाकारांची असते. सिनेमा चालला किंवा सुपर हीट झाला तर तो बोनस. यामुळे सिनेमाचा मुहूर्ताचा शॉट, रिलिझ करण्याची तारीख, टायटल न्युमरोलॉजी इथपासून कलाकारांच्या जन्मकुंडली पाहून सध्या प्रसिध्दीचा काळ आहे किंवा नाही इथपर्यंत ज्योतिष विषयावरचे मार्गदर्शन घेतले जाते.

Chappak

१० जानेवारी २०२० ला दोन सिनेमे रिलीझ झाले. एक होता छपाक तर दुसरा तानाजी. छपाक बॉक्स ऑफ़िसवर आपटला. ह्या सिनेमाने निर्मात्याने केलेला खर्च जेमतेम भरुन काढला अशी माहिती आहे तर तानाजी मात्र जोरदार चालला. थोडक्यात एकाच दिवशी रिलीझ झालेले सिनेमे रिलीझच्या दिवसाचे पंचांग पाहून चालतात असे नाही. पण सिनेमा तयार झाल्यावर मात्र अनेक निर्माते, त्यांचे फ़ायनान्सर आणि कलाकार एकत्रीत सिनेमा पहात असतील तेंव्हा याचे भविष्य लक्षात आल्याशिवाय रहात नाही. मग रिलीझ च्या तारखेचे अर्थात त्या दिवसाच्या पंचांगाचे महत्व लक्षात येते. माझी खात्री आहे की छपाक सिनेमाची निर्माती आणि कलाकार दिपीकाला हे नक्कीच लक्षात आल्यामुळे तीने १० जानेवारी २०२० तारीख निवडली असावी. १० जानेवारी २०२० ला अजून कोणताही सिनेमा रिलीझ झाला असता तर माझ्या मते तो चालायला पहिजे अशी ग्रहस्थिती नक्कीच होती.

Tanhaji

छपाक सिनेमात प्रेक्षकांना अपेक्षीत करमणूक काहीच नसावी, कारण ना ती लव्हस्टॊरी आहे ना तो अ‍ॅक्शन सिनेमा आहे ना विनोदी सिनेमा. अ‍ॅसीड फ़ेकून चेहेरा विद्रूप झालेल्या मुलीची कहाणी कितीही रंगवली तरी लोकांच्या मनात जागा करण्याचा फ़ॉर्म्युला तो नसावा. पण १० जानेवारी २०२० ला रिलीझ झाल्यामुळे या सर्वावर मात करुन सिनेमा किमान खर्च भरुन येईल इतका चालला.

Choricha Mamla 2020

३१ जानेवारी २०२० ला चोरीचा मामला नावाचा दुसरा मराठी सिनेमा रिलीझ होत आहे. १९७६ साली चोरीचा मामला नावाचा निळू फ़ुले, यशवंत दत्त, उषा चव्हाण कलाकार असलेला पहिला सिनेमा प्रदर्शीत झाला होता. चोरीचा मामला, मामाही थांबला हे सचीन च्या गंमत जंमत सिनेमातले गीत खुप चालले. यामुळे जेव्हा गुगल वर सर्च करताना हा सिनेमा लगेचच दिसत आहे. हिंदी सिनेमा भारतदेश डोळ्यासमोर ठेऊन काढला जातो पण मराठी सिनेमाचे तसे नाही. हा सिनेमा महाराष्ट्रातच चालणार त्यामुळे त्याचे टायटल मराठी माणसांना परिचीत असेल आणि विनोदी सिनेमा असेल तर निम्मा व्यवसाय झाल्यात जमा आहे.

मराठी सिनेमा रिलीझ करताना निर्मात्याला हिंदी सिनेमा रिलीझ होण्याच्या तारखा सोडाव्या लागतात कारण मराठी प्रेक्षक सुध्दा बिग बजेट, बहू चर्चीत सिनेमा याच दिवशी रिलीझ होणार असेल तर मराठी सिनेमा त्या आठवड्यात चांगला असून आपटतो. याचे कारण मुहूर्त नसून सिनेमा प्रेक्षकांचे अर्थकारण आहे. आजकाल सहकुटूंब सिनेमा मल्टीस्क्रिन सिनेमा गृहात पहाणे म्हणजे किमान एकहजार तर कमाल दोन हजार रुपये खर्च होतात. त्या आठवड्यात मराठी माणून दोन सिनेमे नक्कीच पहात नाही.

यामुळे मराठी सिनेमाच्या वाट्याला चांगले मुहूर्त येतच नाहीत किंवा सिनेमा तयार असूनही वाट पहावी लागते. ३१ जानेवारी २०२० लाच पाच हिंदी सिनेमे रिलीझ होत असताना यापैकी बिग बजेट, बहूचर्चीत, प्रसिध्द सिनेकलाकारांच्या त्या सिनेमातील रोलमुळे सिनेमा चालेल असा एकही सिनेमा नाही ही जमेची बाजू आहे. या दिवसाचे पंचांग आणि पहिला शो ज्या वेळेला रिलीझ होतो यावेळेचे लग्न पहाता हा सिनेमा चांगला व्यवसाय करेल याची खात्री वाटते.

बहिणीची माया - जन्मठेप झालेल्या कैद्याची शिक्षा कमी/माफ़ होईल का ? केस स्टडी

४ नोव्हेंबरच्या आसपास एका बहिणीने सेशन कोर्टात बायकोचा खुनाच्या आरोपाखाली जन्मठेप झालेल्या भावाची हायकोर्ट मधे सुटका होईल का असा प्रश्न विचारला होता. भारतात जन्मठेप म्हणजे १४ वर्षे किंवा २० वर्षे किंवा किती वर्षे असा स्पष्ट उल्लेख नसल्यास मरेपर्यंत शिक्षा असा अर्थ मी जाणून घेतला. २०११ मधे हा गुन्हा घडला होता. १ एप्रिल २०१७ ला भावाला जन्मठेपेची शिक्षा सुनावली गेली.

हाय कोर्ट मधे या शिक्षेविरुध्द अपील करण्यात आले होते आणि तो आता शिक्षा संपवुन बाहेर यावा अशी बहिणीची आशा होती. सुनावणी संपुन १५ नोव्हेंबर २०१९ ला या खटल्याचा निकाल लागणे अपेक्षीत होते. बहिणीने काही ज्योतिषांशी संपर्क करुन जन्मकुंडली दाखवली होती. या दोन चार ज्योतिषांनी तिला ४ नोव्हेंबर २०१९ ला झालेल्या गुरु बदलामुळे भाऊ तुरुंगातून उर्वरीत शिक्षा माफ़ होऊन बाहेर येईल असे सांगीतले होते.

बहुदा बहिणीचे मनात शंका होती म्हणून तीने माझ्याशी संपर्क करुन मला रितसर फ़ी पाठवून विचारले.

या व्यक्तीचे किंवा त्याच्या बहिणीचे नाव मुद्दाम मी लिहीत नाही. बहिण जिथे रहाते तिथे आजूबाजूच्या लोकांना हा विषय माहित नसेल तर उगाचच हा लेख कुठून तरी तिच्या पर्यंत पोचायचा आणि याची जाहीर चर्चा झाली यामुळे आणखीनच दु:ख व्हायचे.

बहिणीने भावाचे जन्मकुंडलीचे विवरण पाठवले होते ते या प्रमाणे जन्मतारीख ०३ ऑगस्ट १९८२, जन्मवेळ ००.४५ मध्यरात्री, जन्मस्थान उत्तर गोवा.

{ माझ्या सॉफ़्टवेअर प्रमाणे रुद्र म्हणजे प्लुटॊ, इंद्र म्हणजे हर्षल आणि वरुण म्हणजे नेपच्युन }

मी ही जन्मकुंडली मांडली. मी सहसा असे प्रश्न प्रश्नकुंडली किंवा कृष्णमुर्ती पध्दतीची प्रश्नकुंडली मांडून सोडवत नाही. शेवटी या गुन्हेगार व्यक्तीचे प्रारब्ध जन्मकुंडलीत जास्त स्पष्ट होते हा माझा विश्वास आहे. फ़र्लो रजा मिळेल का हा प्रश्न कदाचीत प्रश्नकुंडलीत पहाणे योग्य ठरला असता. फ़र्लो रजा ही सजा असताना काही दिवसांची सुट्टी असते. कैदी अशी रजा मिळवून आपल्या घरी जाऊ शकतो. इथे फ़र्लो रजा हा विषय नव्हता तर वरच्या कोर्टात सजा कमी होईल किंवा सजा माफ़ होऊन तो बाहेर येईल का असा प्रश्न होता.

जन्मकुंडली पहाताना ही जन्मकुंडली सर्वप्रथम बरोबर आहे किंवा नाही हे तपासणे आवश्यक असते. या प्रमाणे पाहताना सर्वप्रथम मी लग्नेश तपासला. लग्नेश मंगळासारखा क्रुर ग्रह मला प्लुटो या ग्रहाच्या युतीत सप्तम स्थानी मिळाला. मंगळ आणि प्लुटो युती ही या व्यक्तीचे अपघात दर्शक आहे. रागाच्या भरात पत्नीचा खुन करणे हा अपघातच आहे. अन्यथा गुन्हेगारीची पार्श्वभुमी नसलेला हा माणूस खुन करण्यापर्यंत अपघाताने जाऊ शकतो. शुक्र आणि राहू हे पत्नीसोबत विसंवाद दर्शवितात. मागील जन्मी या दोघांमधे वैमनस्य असणे हे ते कारण असावे.  तात्कालीक कारण काय झाले माहित नाही पण जेंव्हा याने आपल्या पत्नीचा खुन केला तेंव्हा राहू महादशा सुरु झालेली होती.

जन्मकुंडली मधील चंद्र केतू युती आणि चंद्र शनि केंद्र योग याची मानसीक अवस्था नीट रहात नाही असे दर्शवितात.

ज्या दोन चार ज्योतिषांनी भाग्येश भाग्यात जातो म्हणून सुटका होईल असे भविष्य वर्तवले त्यांच्या नजरेतून जन्मकुंडलीत भाग्येश हा राहूच्या नक्षत्रात आहे हे निसटले असावे. शिवाय राहू हा बुधाच्या राशीत आहे आणि बुध हा आश्लेषा या क्रुर व गंडांत नक्षत्रात असल्यामुळे राहूची दशा या व्यक्तीला चांगली नाही हे मी जाणले.

( राहू ज्या ग्रहाच्या राशीत असतो तो ग्रह जर बलवान असेल तर राहूची महादशा सुध्दा चांगली जाते असा सर्वसाधारण नियम माझ्या पाहण्यात होता.)

मी बहिणीला ८०% ग्रहस्थितीच्या आधारे आणि २० % इंट्युशनने  सजा कमी होईल पण उर्वरीत सजा माफ़ होऊन तो लगेचच सुटणार नाही होणार नाही असे भविष्य सांगीतले. तो पर्यंत अनेकांनी तो सुटेल हे भविष्य वर्तन केलेले आहे मला माहित नव्हते. बहिण माझे प्रेडीक्शन ऐकून पुन्हा जन्मकुंडली पहाण्याचा आग्रह करु लागली. मी म्हणालो माझे भविष्य चुकले असे झाले तर आनंद आहे पण हे भविष्य चुकणार नाही.

निकाल माझ्या कडे यायच्या आधीच मी ही केस माझ्याकडे फ़लीत तंत्र शिकायला येणार्या ज्योतिषशास्त्री पास झालेल्या विद्यार्थ्यांना दिली. त्यांनाही माझ्या भविष्य कथनाचे आश्चर्य वाटून त्यांनी चर्चा केली. अनेकदा राहू महादशा ही खुप विचीत्र फ़ळ देते हे विसरुन गोचर ग्रहांच्या आधारे फ़लीत केले तर भविष्य चुकते. मुळ कुंडलीचा दर्जा काय आहे. राहू कोणती फ़ळे देत आहे आणि पुढे देणार आहे याकडे दुर्लक्ष होते.

पुढे या बहिणीचा फ़ोन आला. रडत रडत सजा कमी झाली नाही हा निकाल तिने मला सांगीतला. तिच्या दु:खात सहभागी व्हावे की खुनी व्यक्तीला शासन हे होणारच हे म्हणावे मला समजत नव्हते. पुढे सुप्रिम कोर्टात जावे की माझा भाऊ जेलमधेच मरणार असा प्रश्न तिने मला विचारला. मी तिची भावना पाहून केससाठी लागणारे पैसे जर कर्जाऊ आणायचे नसतील तर सुप्रिम कोर्टात जाण्याचा सल्ला दिला. गुरु व्ययेश सुध्दा आहे. यामुळे पुढे येणारी गुरुची दशा सुध्दा फ़ारशी सुखावह नाही असे असताना मी हा सल्ला दिला. कारण प्रयत्न करणे हा माणसाचा स्वभाव आहे. आपण प्रयत्न केला नाही ही बोच बहिणीच्या मनात राहू नये यासाठी.