१५ जानेवारी २०२० ते १२ फ़ेब्रुवारी २०२० या काळाचे राशीभविष्य

1. १५ जानेवारी २०२० ते १२ फ़ेब्रुवारी २०२० या काळाचे मेष ते मिथुन राशीचे राशीभविष्य  https://gmjyotish.blogspot.com/p/blog-page_46.html

2.  १५ जानेवारी २०२० ते १२ फ़ेब्रुवारी २०२० या काळाचे कर्क ते कन्या राशीचे  राशीभविष्य https://gmjyotish.blogspot.com/p/blog-page_20.html


3. १५ जानेवारी २०२० ते १२ फ़ेब्रुवारी २०२० या काळाचे तुळ ते धनु राशीचे राशीभविष्यhttps://gmjyotish.blogspot.com/p/blog-page_6.html


4.  १५ जानेवारी २०२० ते १२ फ़ेब्रुवारी २०२० या काळाचे मकर ते मीन राशीचे राशीभविष्य https://gmjyotish.blogspot.com/p/blog-page_47.html

१६ डिसेंबर २०१९ ते १४ जानेवारी २०२० या काळाचे राशीभविष्य ( मकर-कुंभ-मीन )

नमस्कार !  हरी ओम, ज्योतिषप्रेमी लोकहो, खासकरुन राशीभविष्य प्रेमी लोकहो. दर  महिन्याचे राशीभविष्य हे सदर आपल्या आग्रहास्तव पुन्हा ब्लॉगवर आणले आहे.. दर महिन्यात साधारण पणे १५- १६-१७  तारखेला रवि अर्थात सुर्य एकाराशीतून दुसर्या राशीत जातो. रवि रास बदलल्यानंतर साधारण पणे एक महिना एकाच राशीत असतो. मी अश्या रवि महिन्याचे राशीभविष्य सांगतो. अनेकांना ते आवडते तसेच अनुभवाला येते.

या महिन्यात रवि अर्थात सुर्य १६ डिसेंबरला २०१९ ला धनु राशीत जाणार आहे

बुध २५ डिसेंबरला ला धनु राशीत जाणार आहे.

मंगळ २५ डिसेंबरला वृश्चिक राशीत जाणार आहे.

शुक्र ८ जानेवारी २०२० ला कुंभ  राशीत जाणार आहे.

धनु राशीत संपुर्ण महिन्यात चंद्र, बुध, रवि या या महिन्यात येणारे ग्रह तसेच आधीपासून धनु राशीतच बसलेले गुरु, शनि, केतू आणि प्लुटो यामुळे धनु राशीत सात ग्रह येतील. २५ डिसेंबर २०१९ ची अमावस्या आणि २६ डिसेंबर रोजी असलेले कंकणाकृती सुर्यग्रहण या बाबतचा लेख नुकताच प्रसिध्द झाला आहे.

https://gmjyotish.blogspot.com/2019/12/blog-post.html

जानेवारी २०२० पासून नविन वर्ष सुरु होते. यासाठी वार्षिक राशी भविष्य मी आधीच प्रसिध्द केले आहे.

त्याच्या ब्लॉगवर असलेल्या लिंक आणि युट्युब वरच्या लिंक खाली पहा.

https://gmjyotish.blogspot.com/p/blog-page_54.html  ( मेष ते कन्या रास )

https://gmjyotish.blogspot.com/p/blog-page_97.html  (  तुळ ते मीन रास )

वार्षिक राशीभविष्य २०२०

मेष -वृषभ- मिथुन https://youtu.be/b97dxZOyD_g

कर्क -सिंह-कन्या https://youtu.be/K32EZmPdVZc

तुळ- वृश्चिक - धनु https://youtu.be/PUCLnZmjx40

मकर-कुंभ-मीन  https://youtu.be/ZheFl5O3Xmc

आता राशीनिहाय १६ डिसेंबर २०१९ ते १४ जानेवारी २०२० या काळाचे राशीभविष्य पहा. हे राशीभविष्य लग्नराशीकडून पहावे. लग्नरास माहित नसल्यास चंद्रराशीकडून पहावे.

मकर रास :

फ़क्त एक महिना राहीलाय तुमच्या राशीचा मालक मकर राशीत येण्यासाठी. २४ जानेवारी २०२० ला शनि मकर राशीत आला की तुमचे दिवस बदलतील. या महिन्यात गुरु, शनि, केतू प्लुटो यांच्या साथीला बुध आणि रवि महिनाभर धनु राशीत आहेत ही परिथिती चांगली नाही. त्यात २५-२६ डिसेंबर २०१९ ला मकर राशीकडून बाराव्या स्थानी होणारी अमावस्या आणि सुर्यग्रहण सुध्दा फ़ारसे चांगले नाही.

आपण निर्माण होणार्या प्रतिकूल परिस्थितीशी सामना करण्यासाठी सक्षम आहात. जेव्हढे धैर्य, सोसण्याची वृती आपल्याकडे आहे, अन्य राशींकडे नाही यामुळे आपण निर्धास्त असाल असे नाही पण सावधपणे परिस्थिती हाताळू शकाल.

आपल्याला साथ फ़क्त शुक्राची आहे. हा शुक्र आपल्या कर्म स्थानाचा आणि पंचम स्थानाचा म्हणजे क्रियेटीव्हली आव्हानांचा सामना करण्यासाठी आपल्याला साथ देणार आहे. खर्च, नुकसान, नको असलेला प्रवास, आजारपण हे या महिन्यात आपल्यासा सतावेल. पण आपण पुन्हा उभे रहाल हा विश्वास आहे.

कुंभ रास :

मकर आणि कुंभ दोन्ही शनिच्या राशी असल्या तरी एकदम भिन्न वातावरण या महिन्यात आहे. सात ग्रहांचे संमेलन आपले नुकसान करणार नसून उलटा फ़ायदा देणार आहे. २४ जानेवारी २०२० पर्यंत आपले दिवस चांगलेच आहेत. आपल्याला ८ जानेवारी २०२० पर्यंत प्रवास योग आहेत. काहीना  परदेश प्रवासाचे योग सुध्दा येणार आहेत.

सर्व धन स्थानांचे अधिपती लाभ स्थानी असणार आहेत. व्याजाच्या माध्यमातून, कलेच्या माध्यमातून, अचानक धनलाभ आणि दरमहिना नोकरी/व्यवसायाच्या माध्यमातून असे सर्व मार्गांनी धन जमा होणार आहे. व्यवसाय व्यापाराच्या नव्या संधी हाताला लागतील आणि घबाड योग कशाला म्हणतात ते समजेल. कामे सुखासुखी पुर्ण होणार नाहीत. यासाठी तुम्हाला तुमची शारिरीक, मानसीक, बौध्दीक क्षमता पणाला लावावी लागेल.

इतके चांगले दिवस क्वचितच एखाद्या महिन्यात येतात. आपला अनुभव मला जरुर कळवा.

मीन रास :

गेले २-३ वर्षे मीन रास संधी मिळत नाही म्हणुन वाट पहात होती ती एक नाही तर अश्या अनेक संधी आपला दरवाजा ठोठावत आहेत. हे काम करु का ते करु अशी आपली अवस्था होणार आहे. दशमेश दशमात गुरु आपल्याला ह्या संधी कशा उत्तम रितीने हाताळायच्या याचेही मॅनजमेंट ट्रेनिंग देण्यासाठी सज्ज आहे.

आपण या संधीचे सोने करण्यासाठी सज्ज रहा आणि पहा पुढील काही दिवसात ह्या अनेक संधींना व्यवस्थीत हाताळल्यानंतर मोबदला तर नक्कीच मिळेल. एक कमतरता तुमच्यात आहे ते म्हणजे मोबदला रिकव्हरी चे कौशल्य तुमच्या कडे नाही. काम तुम्ही कराल पण तडफ़ेने मोबदला पदरात पाडून घेण्यासाठी प्रयत्नात कमी पडाल. ही वृत्ती टाकून व्यापारी जसा हिशोबाने मोबदला बसूल करतो तसे वागा. मग याची एकदा सवय लागली म्हणजे जीवनात यशस्वी नक्कीच व्हाल

शुभंभवतु

मी ज्योतिष शिकायला लागल्यापासून काही चुकीच्या प्रथांचा विचार करतो आहे. धर्म ग्रंथामधे यासाठी काही कारण सांगीतले आहे का ते शोधतो आहे. जेष्ठ धर्माधिकार असलेल्या जेष्ठांचे विचार ऐकतो आहे. या तीनही प्रथा का आहेत याचे कारण अद्याप समजले नाही पण या तीनही प्रथा गैर आहेत अनावश्यक आहेत आणि अनाठायी याची भिती पसरली आहे.

या पैकी पहिली प्रथा पौष महिन्यात विवाह करु नयेत पुढे जाऊन यासंदर्भात बोलणी करु नयेत, स्थळे पाहू नयेत असेही गैरसमज आहेत. आज याबाबत आपण विस्ताराने चर्चा करणार आहोत कारण लवकरच पौष महिना दिनांक २७ डिसेंबर २०१९ ते २४ जानेवारी २०२० या काळात आहे.

या संदर्भात अजून माहिती ही लिंक क्लिक करुन वाचा.

https://gmjyotish.blogspot.com/2019/12/blog-post_16.html

१६ नोव्हेंबर २०१९ ते १५ डिसेंबर २०१९ या काळाचे राशीभविष्य ( तुळ ते मीन राशी साठी )

नमस्कार !  हरी ओम, ज्योतिषप्रेमी लोकहो, खासकरुन राशीभविष्य प्रेमी लोकहो. दर  महिन्याचे राशीभविष्य हे सदर आपल्या आग्रहास्तव पुन्हा ब्लॉगवर आणले आहे.. दर महिन्यात साधारण पणे १५- १६-१७  तारखेला रवि अर्थात सुर्य एकाराशीतून दुसर्या राशीत जातो. रवि रास बदलल्यानंतर साधारण पणे एक महिना एकाच राशीत असतो. मी अश्या रवि महिन्याचे राशीभविष्य सांगतो. अनेकांना ते आवडते तसेच अनुभवाला येते.

या महिन्यात रवि अर्थात सुर्य १६ नोव्हेंबर २०१९ ला वृश्चिक राशीत जाणार आहे

शुक्र २१ नोव्हेंबर २०१९ ला धनु राशीत जाणार आहे

बुध २१ नोव्हेंबर ला मार्गी होऊन ५ डिसेंबरला वृश्चिक राशीत जाणार आहे.

शुक्र १५ डिसेंबरला मकर राशीत जाणार असला तरी हे भविष्य आपण पुढील महिन्यात पहाणार आहोत.

थोडक्यात रवि आणि बुध व शुक्र यांचेच राशी परिवर्तन ह्या महिन्यात होणार आहे. या शिवाय हर्षल

आणि नेपच्युन आहे  त्या राशीत वक्री असणार आहेत. पैकी या महिन्यात २७ नोव्हेंबर २०१९ ला नेपच्युन मार्गी होणार आहे.

या पार्श्वभुमीवर हा महिना बारा राशीच्या लोकांना कसा जाईल ते आपण आता पाहू. हे राशीभविष्य आपण लग्नराशीकडून पहा. ज्यांना लग्नराशी माहित नाही त्यांनी चंद्र राशीकडून पहावे.

१६ नोव्हेंबर २०१९ ते १५ डिसेंबर २०१९ या काळाचे राशीभविष्य ( मेष ते कन्या राशी साठी )

तुळ रास

आपल्या राशीचा मालक शुक्र २१ नोव्हेंबर पासून धनु राशीत जाणार आहे. २४ तारखेला शुक्र गुरु यांची युती आहे. तिसर्या स्थानी होणारी देवगुरु आणि राक्षसगुरु यांची युती आपल्याला आपल्या लेखनामुळे किंवा अन्य कोणत्या कारणाने प्रसिध्दी मिळण्याचे योग आहेत. एका बाजूला प्रसिध्दी योग असताना दुसर्या बाजूला लेखनावर टीका सुध्दा होण्याची शक्यता आहे. असे झाल्यास काय उत्तर द्यायचे याची तयारी झालेली असावी.

११ डिसेंबरला होणारी शुक्र शनि युती शिक्षण क्षेत्रात काम करणार्या लोकांच्या साठी किंवा कमर्शियल आर्ट मधे पेन्सील वर्क, ब्लॅक मेटल वर काम करणार्या लोकांना काही संधी घेऊन येणारी आहे. ही युती म्हणजे मोठा राजयोग आहे. यामुळे तुळ राशीच्या काही लोकांना संधी उपलब्ध होतील. १३ डिसेंबरला होणारी शुक्र प्लुटो युती मात्र जननिंदा घेऊन येणारी आहे. एकाबाजूला सन्मान, संधी तर दुसर्या बाजूला जननिंदा असे विचीत्र ग्रहमान या महिन्यात काही तुळ लग्नाच्या लोकांना अनुभवास येईल.

वृश्चिक रास

आपल्या राशीचा मालक मंगळ महिनाभर वृश्चिक राशीत असणार आहे. आपला एखाद्या गोष्टीचा नको तेव्हडा आग्रह आपल्याला अडचणीत तर आणत नाही ना या कडे लक्ष देण्याची गरज आहे. या महिन्यात आपल्याला वैवाहीक जोडीदाराच्या माध्यमातुन काही धनलाभ होण्याचे योग आहेत. काही वृश्चिक लग्नराशींच्या लोकांना पुर्वी झालेल्या नुकसानीची नुकसान भरपाई सुध्दा मिळेल असे योग आहेत.

या महिन्यात आपल्या घरी कौटुबीक स्नेह संमेलन भरेल. सर्वच स्नेही गोड बोलतातच असे नाही. आपल्याच घरी येऊन, जेऊन खाऊन आपल्याला वाईट बोलून जाणारे स्नेही या महिन्यात असा स्नेह मेळावा झाल्यास दिसतील. हा त्यांचा स्वभाव आहे असे समजून त्या कडे दुर्लक्ष करायला हरकत नाही. कारण ते काही बोलले म्हणजे ते खरे असते आणि त्यामुळे नुकसान होतेच असे नाही.

धनु रास :

आपल्या राशीचा मालक गुरु जो गेले वर्षभर बाराव्या स्थानी होता तो आता रास बदलून धनु राशीत आल्याने आपण जे काम करता त्यात आपले विचार, आपल्या व्यक्तिमत्वाचा ठसा उमटेल. अनेकदा ग्रहस्थिती अनुकूल नसल्याने काही घडवून आणणे जमले नसेल तर २७ मार्च २०२० पर्य्ंतचे पुढील पाच महिने आपल्या हाताशी आहेत.

आपल्या राशीत होणारी शुक्र व गुरु युती आपल्याला लाभ देऊन जाणार आहे. हाताखालच्या लोकांनी केलेल्या कामामुळे असे घडत असेल तर मात्र याची जाणीव ठेऊन कृतज्ञता व्यक्त करायला आपण विसरणार नाही हे पहा. कोणा मित्रांच्या संसारातला गृहकलह समोर येईल आणि तो मार्गी लावताना आपले हात पोळणार नाहीत इतके अंतर ठेऊन हे काम करा,

या महिन्यात बाराव्या स्थानी बसलेला मंगळ काही गुप्त चिंता, गुप्त खर्च देईल. हे उघड न करता व्यवस्थित मॅनेज करण्याचे कौशल्य दाखवावे लागेल.

मकर रास :

आपल्या राशीचा मालक शनि अजुनही बाराव्या स्थानी आहे. जानेवारीत तो मकर राशीत येणार आहे. आपल्या संतती संदर्भात खास करुन संततीच्या नोकरीच्या ठिकाणी उद्भवलेल्या प्रश्नामुळे काही चिंता लागून राहील. काही खर्च सुध्दा किंवा प्रवास यामुळे या महिन्यात करणे आवश्यक ठरेल.

या महिन्यात लाभ स्थानी असलेला मंगळ आपले उत्पन्न वाढवेल किंवा एखादा उत्पन्नाचा नविन मार्ग मिळवून देईल यामुळे खर्च असला तरी मॅनेज होईल.  आपल्या नोकरीच्या ठिकाणी हाताखालचे व वरिष्ठ सुध्दा आपण अडचणीत असाल तर मोलाचा सल्ला देतील. यामुळे आपण काही कठीण परिस्थिती या महिन्यात आली तरी हाताळू शकाल.

कुंभ रास:

आपल्या राशीला संपुर्ण नोव्हेंबर, डिसेंबर आणि जानेवारी महिने चांगले जाणार आहेत. अनेक कामे मार्गी लागतील. अनेक प्रकारचे लाभ जसे आपल्या मुदतठेवी वरचे व्याज, गुंतवणूकीपासून फ़ायदा या काळात अपेक्षीत आहेत.

२४ नोव्हेंबरला शुक्र आणि गुरु युती मुळे आपले वरिष्ठ काही विशेष लाभ आपल्याला मिळवून देतील. २१ नोव्हेंबरला लाभ स्थानात येणारा शुक्र कुंभ लग्नाला राजयोग कारक असल्यामुळे १३ डिसेंबर पर्यंत प्रॉपर्टी मधून लाभ असो की अन्य अनेक लाभ आपल्या पर्यंत पोचोवणार आहे.

याच काळात २१ नोव्हेंबर नंतर आपल्या बुध्दीमत्तेची चमक दिसणार आहे. आपण बुध्दीबळ खेळत असाल किंवा कौन बनेगा करोडपती सारख्या बुध्दीचे प्रदर्शन करण्याच्या स्पर्धा असतील, आपल्याला लोकप्रियता मिळवून देणार आहे. ४ डिसेंबर २०१९ ला होणारा चंद्र आणि नेपच्युन योग कुंभ राशीच्या लोकांचा मुड घालवणारा असेल. हा एक दिवस सोडला तर कुंभ राशीला हा महिना स्मरणात राहील असाच असेल.

मीन रास :

आपल्या राशीचा मालक दशमस्थानी आल्यामुळे आपल्या कार्यक्षेत्रात मोठी वाढ होण्यास सुरवात होईल याची चुणूक या महिन्यातच दिसेल. आपल्या नोकरीतले किंवा व्यवसायाचे कार्यक्षेत्र मोठे झाल्यामुळे ह्याचे व्यवस्थापन कसे करायचे या कडे सुरवाती पासून लक्ष द्यावे लागणार आहे. २७ मार्च २०२० पर्यंत कामाचा बोजा वाढत जाणार आहे.

इन्शुरन्स क्षेत्रात काम करणारे, भुवैज्ञानीक, बोअर वेल खोदणारे, जमिनीतून बाहेर आलेली रत्ने घडवणारे, विकणारे यांना या महिन्यात प्रचंड काम करावे लागणार आहे. यातून फ़ायदा होणारच आहे हे विसरू नये. जे लोक परदेशस्थ कंपनीची कामे करतात त्यांनाही भरपुर काम मिळणार आहे. एकंदरित मीन लग्नराशीच्या लोकांना आलेली निराश या महिन्यात दुर होऊन प्रगतीचा आलेख उंचावत जाण्यास आता सुरवात होणार आहे. आपल्याला सुध्दा हा महिना स्मरणात राहील असाच असणार आहे.

शुभंभवतु